Por causas alleas á A .C. Xacarandaina vémonos na obriga de pospoñer a tradicional Foliada e Romería do Lecer para o vindeiro mes de xullo.
A Foliada celebraráse o sábado 6 de xullo e a Romería do Lecer o domingo 7 de xullo, ambas no anfiteatro de Santa Margarida da Coruña.
Esperámosvos a todos!
Ler máis
Acabamos de publicar as Bases e Folla de Inscrición do XXXIV Concurso de Baile Tradicional Xacarandaina para o ano 2013. Dende este momento a inscrición está aberta, ata o 15 de xuño.
Esta 34 edición celebrarase o 30 de xuño de 2013 no Centro Ágora de A Coruña. Nesta ligazón tedes información de cómo chegar.
Ler máis
Chegan os tempos das actuacións en Xacarandaina:
Podes ver estas e moitas máis novas no noso Folleto Mensual Online
A segunda etapa deste Camiño levaranos do Concello de Mañon a Barqueiro, unha ruta de 18km, na que atravesaremos a Coriscada para dirixirnos cara ao mar, divisando a Ría de Ortigueira e O Barqueiro. Despois visitaremos en autobus Estaca de Bares.
Se o horario o permite e quen o desexe poderá facer este derradeiro tramo a pé.
Co motivo do Día Internacional da Danza, o colectivo XOC, formado por tres asociacións con actividade no eido do folclore galego: Xacarandaina (A Coruña), O Fiadeiro (Vigo) e Cantigas e Agarimos (Santiago), quere facer público o seguinte comunicado:
O Día Mundial da Danza celébrase desde o ano 1982 co obxectivo de darlle visibilidade á danza e captar a atención do público en xeral, agrupando nun día común de exaltación e celebración a tódalas disciplinas dancísticas.
En Galicia, desde tempos inmemoriais existe o baile tradicional como manifestación artística propia, cunha extraordinaria riqueza de movementos e ritmos. Hoxe en día, o baile e a danza tradicional de Galicia forman parte da nosa vida cotián, existindo múltiples agrupacións que dunha ou outra maneira colaboran na súa difusión e conservación. Tamén os galegos na diáspora e os seus descendentes continúan a manter vivo o baile galego, que segue presente en tódolos centros galegos no extranxeiro e nos colectivos de emigrantes.
