Hoxe estamos de noraboa!
Despois de moito traballo a Asociación Cultural Xacarandaina estrea esta nova páxina web. Como veredes non se trata dun simple retoque; é un cambio de concepto total e representa unha nova forma de comunicarse cos nosos socios e amigos.
Entre as novidades podemos destacar que as clases dispoñen de espazo na páxina web no que subir material didáctico que pode ser descargados polos alumnos cómodamente dende as súas casas.
Tecnoloxicamente avanzada, escalable, flexible e dinámica, integra as últimas tecnoloxías en portais web e é totalmente compatible co voso teléfono móbil.
Tamén estreamos a nosa canle en Youtube na que se colgarán todos os vídeos da Asociación e do Grupo de Música e Baile Tradicional Xacarandaina.
A páxina está dando os seus primeiros pasos e en moi pouco tempo poderemos contar coa nova Tenda Virtual, con moitas máis fotos e vídeos coa colaboración de todos.
Grazas a todas e todos e esperamos que vos guste!
